દર્ભ

એવાં કયા દર્ભને સેવ્યું ,

દર્ભના કયા આસને બેસાયું,

સ્પર્શના કયા દાભડે પરોવાયું,

દર્ભથી કયા સંબંધે જોડાયું,

સૂકાતું નથી, ડંખતુ નથી,  ઊડતું નથી, રગોમાં વહ્યા કરે છે,

ઓગળ્યા કરે છે, ઓગાળ્યાં કરે છે, અનંત વલોવ્યાં કરે છે.

આયુ છે, અંત છે, આદી છે, અનંત છે, પૂર્વ છે, અપૂર્વ છે,

સવાલ છે, જવાબ છે, મૂર્ત છે, અમૂર્ત છે, પાસ છે, સુદૂર છે..

ગર્ભ દર્ભ “શીલ” છે, જાણ, અણજાણ જે પામતું તે પણ “શીલ” છે..

સુસ્મિતા, સૌહાર્દ છે, સ્નેહસ્વરૂપા, આનંદઘન સદૈવ સુ”શીલ” છે..

કનુ સૂચક, “શીલ”

૩૦.૧૦.૨૦૨૪